Generatione-Shooting im Schnee

…und es schniiät wieder we verruckt und es zeigt sich nueisch alles im wunderbarä Winterchleid. Genau we da afangs Jahr wonich mit derä wuuunderbarä Family ha döfä es traumhafts schöins Shooting realisiärä. Also zerscht hemmer nuchli durä tüüfi Schnee gstapfäd und sogar de Oskar und s Hedy hend i ihrem riifä Alter nu durä Schnee mögä. Mis Härz isch richtig ufgange döfe zgseh we gross d Wärtschätzig vodä Chind und Grosschind gägenüber de Grosselterä isch. So Bilder döfä mit 3 Generationä zmachä isch eifach es grosses Gschänk. Vo ganzem Härzä Dankä für der wunder wunderschöini Morgä mit üch ich dänke esooo gäre zrugg es hed unglaublich Spass mit üch gmacht. Danke für üchä winterlichi Isatz zoberscht ufä;)

Es isch nid ganz es Jahr sider sid mi Grosspapi dä Wäg i Himmel gangä isch. Gad etzt binich dankbar für all diä wunderbarä Erinnerigä womiär nu mit döfid i üsem Härz ha. Am Schluss vo dem Wintershooting hend miär de gad aunu usägfundä dass sHedy und mi Grosspapi mitenand verwandt gsi sind und näbänand im Euthal ufgwachsä. Ganz nöich womiär diä schöinä Bilder hend chönnä machä. D Wält isch doch eifach «schampar» chli ? I dem Sinn wünsch ich üch allnä ä wuuuunderbarä Mändigabig.