Chantal – eifach ä Härzensmänsch

und doch sinds diä schiinbar Uswägslosä Situationä wo üs über üs sälber usäwachsä lönd. Wenich der Spruch grad mit jederä Faserä gspüürä und liäbä… Die letschtä zwei Wuchä isch miär bewusst wordä dass ich fescht fescht dankbar bi um diä ganzi Situation wo Momentan gad existiärt. Ich weiss da bisch du evt. nid glicher Meinig was au jedem sis Rächt isch. Ich gseh Transformationä vo Personä wonich dänke was bisch du fürnä absolut geniali Seel dass du eifach bi diär bliibsch und dis Ding durä ziähsch! Da dezuä ghörid au dass mer Zwiefel hed und au mal Unsicherheit gspürt. Für mich isch ganz klar dur diä Situation sind miär a Gränzä cho i üsem Läbä wo miär villicht nidemal gwüsst hend dass miärs hend. Sprich äs sind äbe nidemal Gränze miär hend doch genau etzt d Möglichkeit üsi Essänz z gfindä. Miär lernid im Läbä immer am meischte vode «vermeindlichä Fähler» / Schwirigkeite we dä Erwin Buff alig seid meistens isch im gmeintä Problem d Lösig. Genau i dem Sinn wett ich üch d Frag stellä hend iär nid au i denä letschtä 22 Monät superchräft a üch entdeckt oder Eggä i üch gfundä und sind denä Bewusst wordä? Also für mich fühlt sich diä Situation ah wenä Booster. Damit miär nu viel meh Bewusstsii döfid erlange und gspürä und fühläd wer miär sind. Was machsch du bsunders gärä? Wo stömmer? Was sind üsi Wärt und wie und wo stömmer für diä ii? Ich liäbä gad so fescht s Läbä und merkä eifach Tag täglich dass ich döf mache was ich liäbä und umgäh döf sii wo so absolut sensationellä Mänschä. So viel guäti Gspräch wo hend döfe stattfindä wo vermuätlich nid genau gliich i Tüüfi wärid we zuvor. Genau sonä Momänt hanich mit diär gha liäbi Chantal eifach ä Härzensmänsch wonich bim Shooting diä ganz Ziit vor Freuid hätt chönnä id Lüft gumpä. So schöin dich döfä i dim Strahlä und Schiinä zgseh! Vo Härzä dankä für der schöini Namittag mit diär und das tollä Gspräch mit diär. I dem Sinn wünsch ich üch sonä richtig Engerigegladnigä Fritig und ä gigantischä Start is Weekend!